आकलन

एक नवीन कविता वाचली आज ......so here it is....


नव्या कोऱ्या अनाघ्रात
ओंजळीत फुलांसारख्या
पुढे केल्या कविता

कठिण वगैरे वाटल्या तुला
मला जे म्हणायचे
ते मध्येच भरकटले
पोहोचलं नाही तुझ्यापर्यंत

"काहीतरी सोपे लिहीत जा ना.....उगाच गूढ़ काहीतरी..."

थोडी हिरमुसले , तरी हसलेच !!
प्रथमदर्शनी दुरूह वाटल्या तरी

हळू हळू उकलतील
एक एक ओळ
एक एक अन्तरा
शब्द न शब्द
स्थिरावेल तुझ्या ओठात
आशय घर करतील
अक्षय घट भरतील मनात

इतक्या वर्षा नंतर जशी अताशा
" मी "
तुला उमगते !